Bir müddət əvvvəl Abdullayeva Dilbər Kamil qızının “Patrul.az”a verdiyi müsahibə və təqdim olunan görüntülər əsasında “Pambıq” uşaq bağçasında baş verən xoşagəlməz problemləri işıqlandırmışdıq. Dilbər Abdullayeva müsahibəsində bağça kollektivinin uşaqlara biganəliyini, bağça direktorunun isə valideynlərin şikayətini araşdırmaq əvəzinə kollektivi həmin vaıideynlərlə intriqaya sövq etməsini, öz nəvəsinin də belə hallardan əziyyət çəkdiyini, hətta nəzarətçilərin diqqətsizliyi səbəbindən xəsarət aldığını bildirmişdi. Ümumuyyətlə azyaşlı uşaqlar qarşısında əsəblərini cilovlaya bilməyib qapını təpikləyən qadından adekvat hərəkət, şikayət və tənqidlərdən dərs çıxarmağı gözləmək sadəlövhlük olardı.
Xəbər tərəfimizdən işıqlandırıldıqdan sonra televiziya kanallarından birinin əməkdaşları adı çəkilən bağçaya yollanaraq məsələ ilə bağlı yerində tanış olub, direktorun mövqeyini öyrənmək istəyiblər. Dirketor isə yenə də suallara özünə uyğun cavab verib. O, qapıya təpik atmasının qismən də olsa səhv hərəkət olduğunu etiraf edib, amma digər problemlərdən danışmaq belə istəməyib. Əksinə, heç bir fakt və dəlil olmadan bildirib ki, şikayətçi xanım daim o bağçaya gəlib narahatlıq yaradıb, hətta bağça kollektivini söyüb.
Dilbər Abdullayeva isə bu şər və böhtan qarşılığında bildirdi ki, bağça direktorundan rəsmi şikayət olunub, onun digər qanuna zidd hərəkətlərinin sübutu da hüquq mühafizə orqanlarına təqdim olunub. O, bir daha bizim vastəmizlə Daxili İşlər Nazirliyi rəsmilərindən məsələni ciddi araşdırmalarını xahiş etdi.
Mənbə: Patrul.az
Təqdim etdi: DİA-AZ.COM (Ərsoyun Bloqu)
Səhifəmiz bütün maraqlı tərəflərin rəyləri üçün açıqdır...